«Այս բացառիկ ԱԶՆԱՎՈՒՐԸ...»

«ՀԱՅԵՐ» մեդիահարթակ
«ՀԱՅԵՐ» մեդիահարթակ

 

Մենք

ստեղծվել

ենք

աշխարհի

հայերի

համար

և նրանց

ջանքերով:

 

Մենք

հավատում

ենք, որ

հնարավոր է

փոխել և

փոխվել:

 

Մեր 

նպատակն է 

մեկտեղել

հայությանը՝

միտված

վաղվա

Հայաստանին:

 

Մենք

հավատում 

ենք

մեզ:

 

Այս բացառիկ լուսանկարները երեսուն տարվա վաղեմություն ունեն:

1989-ի սարսափելի օրերին, երբ Շառլ Ազնավուրը կարծես թե հայ ժողովրդի միակ հույսն էր տիեզերքում, նա եկավ Հայաստան...

Այս լուսանկարները կորած էին համարվում: Եվ ահա դրանց հեղինակը՝ հայկական հեռուստատեսության ակունքներում կանգնած մի մարդ, իր ողջ կյանքը հայկական հեռուստատեսությանը նվիրած մի մարդ՝ ԷԴՈՒԱՐԴ ՏԵՐ-ՍԱՀԱԿՅԱՆԸ՝ ռեժիսոր, լուսանկարիչ, հեռուստատեսային, մշակութային գործիչ, որ 89-ի անտանելի օրերին լուսանկարչական գործիքը ձեռքին աղետի գոտում էր, դրանք գտնում է իր արխիվներում, ժապավենների վրա պահպանված ու թվայնացնելով դուրս բերում ժամանակի խորքից:

Այնպիսի վարպետությամբ են արված այս լուսանկարները, որ նրանցից անգամ սառը օդն ու ցուրտն են զգացվում, զգացվում են մեծ անհատի՝ Շառլ Ազնավուրի բոլոր անհանգստությունները, նրա յուրաքանչյուր նյարդի շարժումները: Ավելին՝ այս լուսանկարներում անգամ Շառլի ձայնն է լսվում՝ նրա կտրուկ ու հատու «կարգադրություններով»:

Լուսանկարը մի մեծ առաքելություն ևս ունի՝ պահպանել ու հավերժացնել մարդկանց ժամանակի մեջ:

Այս լուսանկարներում ոչ միայն 65-ամյա Շառլն է, որն այսօր մեզ նայում է իր երկնային կյանքի բարձունքներից, այլև ճանաչված ու անվանի մարդիկ, որոնք նույնպես մեզ հետ չեն ու ժամանակի մտապատկերում են վաղուց. Հայաստանի այդ ժամանակների մշակույթի նախարար Յուրի Մելիք-Օհանջանյանը, մոսկովյան կենտրոնական հեռուստատեսության օպերատոր «ձյաձ» Մելսը, հայկական հեռուստատեսության լեգենդար օպերատոր Գագիկ Համբարձումյանը...

Մեր խորին երախտագիտությունն ենք հայտնում Էդուարդ Տեր-Սահակյանին այս եզակի գտածոների համար...

 

«ՀԱՅԵՐ» մեդիահարթակ

գործընկերներ

webtv.am

ՄԻՇՏ ՄՇԱԿՈՒՅԹԻ ՀԵՏ

zham.ru

ЖАМ-ՀԱՅԿԱԿԱՆ ԺԱՄԱՆԱԿ

http://www.greentravel.am/en

ՃԱՆԱՉԻՐ ԿԱՆԱՉ ՀԱՅԱՍՏԱՆԸ, ԱՊՐԻՐ ԵՐԿԱՐ

mmlegal.am

ՄԵՆՔ ԳԻՏԵՆՔ ՁԵՐ ԻՐԱՎՈՒՆՔՆԵՐԸ