ՄԵՆՔ

 

Ադրինե ԱՃԵՄՅԱՆ

Սառա Սրբուհի ԱՎԵՏԻՍՅԱՆ

Արշալույս ԲԱՐՍԵՂՅԱՆ

Աննա ԽԱՉԱՏՐՅԱՆ

Հիմնադիրն ու գլխավոր խմբագիրն է

Արայիկ ՄԱՆՈՒԿՅԱՆԸ

ԱՐԱՅԻԿ ՄԱՆՈՒԿՅԱՆ

Ծնվել է 1964 թ. մարտի 31-ին, Երևանում:

ԿՐԹՈՒԹՅՈՒՆԸ

1971-1981 թթ. սովորել է Երևանի Կռիլովի (այսօր՝ Վրեժ Համբարձումյանի) անվան թիվ 17 միջնակարգ (այսօր՝ հիմնական) դպրոցում:

1981-1986 թթ. սովորել է Երևանի Վ. Բրյուսովի անվան ռուսաց և օտար լեզուների պետական մանկավարժական ինստիտուտում (այսօր՝ Վ. Բրյուսովի անվան լեզվաբանական համալսարան), ստացել է ֆրանսերեն և անգլերեն լեզուների մասնագետի որակավորում:

1981-1982 թթ. սովորել է նաև Հայաստանի ժուռնալիստների միության ժուռնալիստի դպրոցում:

ԱՇԽԱՏԱՆՔԱՅԻՆ ԳՈՐԾՈՒՆԵՈՒԹՅՈՒՆԸ

Աշխատանքային գործունեությունը սկսել է ուսանողական տարիներից՝ 1982 թվականից ուսմանը զուգահեռ միաժամանակ աշխատելով «Երեկոյան Երևան» թերթի մշակույթի բաժնում, որպես մշակույթի բաժնի խմբագիր, որտեղ և աշխատանքը շարունակել է ուսումնառության ավարտից հետո: (1982-1990 թվականներ):

Աշխատանքային 8 տարիների ընթացքում լուսաբանել է մշակութային կյանքը, մասնավորապես անդրադառնալով կինոյի, թատրոնի, կերպարվեստի խնդիրներին:

Ունի կինոյի, թատրոնի, կերպարվեստի խնդիրներին նվիրված մի քանի տասնյակ հոդվածներ, վերլուծություններ, քննադատական անդրադարձեր:

1986-1990 թվականներին աշխատել է նաև Արարատի մարզի Շաղափ գյուղի միջնակարգ դպրոցում, որպես ֆրանսերենի ուսուցիչ:

1990 թվականի հոկտեմբերից սկսել է աշխատել ՀՀ Գերագույն Խորհրդի պաշտոնաթերթ «Հայաստանի Հանրապետություն» օրաթերթում, որպես լրատվության բաժնի ղեկավար:

«Հայաստանի Հանրապետություն» օրաթերթի հիմնադիրներից է:

Հիմնականում զբաղվել է քաղաքական լրագրությամբ: Արտաքին և ներքին քաղաքական խնդիրների մասին ունի տասնյակ հրապարակումներ:

1992 թվականից մինչև 1995 թվականը աշխատել է ՀՀ Հեռուստատեսության և ռադիոհաղորդումների պետական վարչությունում, որպես հեռուստատեսային լրատվական ծառայության և «Լրաբեր» լրատվական ծրագրի տնօրեն:

Եղել է ՀՀ հեռուստառադիոպետվարչության կոլեգիայի անդամ:

Հեռուստատեսությունում ստեղծել և վարել է «Կիրակնօրյա լրաբեր» լրատվական-վերլուծական հաղորդաշարը, «Այցեքարտ», «Անկեղծության պահ» հասարակական-քաղաքական հաղորդաշարերը:

1995-1998 թվականներին եղել է «Արմենպրես» պետական լրատվական գործակալության փոխտնօրենը: 

Ղեկավարել է գործակալության բոլոր բաժինների աշխատանքը տեղեկատվության հավաքման, մշակման և թողարկման ուղղությամբ, թղթակցական ցանցի գործունեությունը:

1998 թվականի մարտից մինչև սեպտեմբեր եղել է «Հայք» շաբաթաթերթի գլխավոր խմբագրի տեղակալը:

1998 թ. սեպտեմբերից մինչև 2000 թ. փետրվար ամիսը եղել է Հայէկոնոմբանկի գործադիր տնօրենի խորհրդականը հանրային կապերի գծով:

Մշակել և իրականացրել է Հայէկոնոմբանկի գովազդային և մարքետինգային քաղաքականությունը:

2000 թ. հունվարից մինչև 2000 թ. մայիս ամիսը եղել է ՀՀ կառավարությանն առընթեր տեղեկատվության և գրահրատարակչության վարչության պետի տեղակալը:

Այդ պաշտոնում համակարգել է Հայաստանի Ազգային հեռուստատեսության, Հայաստանի Ազգային ռադիոյի, «Արմենպրես» պետական լրատվական գործակալության, հեռուստաֆիլմերի «Երևան» ստուդիայի, «Հայմամուլ» գործակալության աշխատանքները, ի պաշտոնե եղել է այդ ընկերությունների խորհուրդների նախագահը:

2004 թ. հրավիրվել է Հայաստանի ֆուտբոլի ֆեդերացիա, որպես ՀՖՖ մամուլի քարտուղար:

Հիմնել է ՀՖՖ մամուլի քարտուղարությունը: 2006 թվականին Երևանի մամուլի ակումբը ՀՖՖ մամուլի քարտուղարությունը ճանաչել է 2006 թվականի տարվա լավագույն մամուլի քարտուղարություն:

2007 թվականին «Բիզնես սթայլ» ընկերության հրավերով հասարակական կարգով մասնակցել է Հայաստանում առաջին գունավոր «90 րոպե» ֆուտբոլային և «Կապիտալ» բիզնես շաբաթաթերթերի հիմնադրմանը: Եղել է «90 րոպե» և «Կապիտալ» շաբաթաթերթերի խմբագրական խորհրդի նախագահը, միացյալ խմբագրության գլխավոր խմբագիրը:

2007 թվականին աշխատանքի է անցել «ԱՐԱՐԱՏԲԱՆԿ»-ում, որպես «ԱՐԱՐԱՏԲԱՆԿ»-ի գործադիր տնօրենի խորհրդական հանրային կապերի գծով:

Մշակել և իրականացրել է «ԱՐԱՐԱՏԲԱՆԿ»-ի ռեսթայլինգի նախագիծը, գովազդային, մարքետինգային քաղաքականությունը: Ունի «Բանկային հանրային կապերի», «Ճգնաժամային հաղորդակցության» հավաստագրեր՝ տրված USAID-ի կողմից:

2010 թվականին ստեղծել է webtv. am առաջին հայկական մշակութային youtube-յան հեռուստաալիքը :

2010 թվականին Հայ TV հեռուստաընկերությամբ հիմնել է «Ինչպես եղել է. պատմություններ Արայիկ Մանուկյանի հետ» հաղորդաշարը՝ ստեղծելով հեռուստատեսային տեսաֆիլմերի շարք անցյալում տեղի ունեցած հասարակական-քաղաքական, մշակութային այնպիսի իրադարձությունների մասին, որոնք անհայտ են եղել հասարակայնության մեծ մասին:

- «Ինչպե՞ս Երևան ժամանեց Գալինա Բրեժնևան և ինչ եղավ դրանից հետո»

- «Ովքե՞ր էին Վլադիմիր Վիսոցկու համերգների կազմակերպիչները ՊԱԿ-ի ակումբում»

- «Ինչպե՞ս հաջողվեց Հայաստանում հուղարկավորել Արամ Խաչատրյանին»

- «Ինչո՞ւ էր Յասիր Արաֆաթը երկու անգամ գաղտնի ժամանել Հայաստան»

- «Էլվինա Մակարյանի առեղծվածները» (2 մաս)

- «Ինչո՞ւ ժամանակին արգելվեց Խորեն Աբրահամյանի «Պեպո»-ն»

- «Առաջին ռոք փառատոնը Երևանում. Վուդստոկի հետևանքները»

- «Ինչո՞ւ ձախողվեց Ավետիք Իսահակյանի հարսի կինոկարիերան»

2011 թվականին մտահղացել է Հայաստանում առաջին առցանց կինոփառատոնը և «Ոսկե Ծիրան» միջազգային կինոփառատոնի հետ հիմնադրել է «Web Ծիրան» առաջին հայկական առցանց կինոփառատոնը:

2011 թվականին կրկին հրավիրվել է Հայաստանի ֆուտբոլի ֆեդերացիա, որպես ՀՖՖ նախագահի խորհրդական հանրային կապերի և մարքետինգի գծով, որտեղ աշխատել է մինչև 2016թ. նոյեմբեր:

Իրականացրած մարքետինգային ծրագրերից մեկը 2012 թվականին արժանացել է ՈՒԵՖԱ-ի կրեատիվ և ինովացիոն մարքետինգի առաջին մրցանակին 35 երկրների շարքում: Նախագծել և իրականացրել է ՀՖՖ tv-ն, ՀՖՖ մուլտիմեդիոն կայքը և այլ ծրագրեր:  Ունի ՈՒԵՖԱ-ի կողմից տրված «Մարքետինգի և գովազդային քաղաքականության», «Մարքետինգի և հանրային կապերի» հավաստագրեր:

2016 թ. նոյեմբերին առաջին անգամ Հայաստանում հանրային դրամահավաքով հիմնադրել է thearmenians.am «ՀԱՅԵՐ» համահայկական մեդիահարթակը, որի գլխավոր խմբագիրն է:

2017 թ. նոյեմբերից նաև Հայաստանի կինեմատոգրաֆիստների միության նախագահի գլխավոր խորհրդականն է, ««Ոսկե Ծիրան» կինոյի զարգացման հիմնադրամի խորհրդատուն:

Արայիկ Մանուկյանը հեղինակել է հետևյալ հեռուստատեսային տեսաֆիլմերը

- «Լևոն Խեչոյան «Խնկի ծառեր»»

- «Հարություն» (նվիրված կոմպոզիտոր Հարություն Դելլալյանին)

- «Վազգենը» (նվիրված Հայաստանի ազգային հերոս Վազգեն Սարգսյանին)

- «Ամենակարևորը մնաց մարդը». Հարություն Խաչատրյան»

- «Ավետ Տերտերյան. Մնացյալը կյանքն էր»

- «Ձեռքդ ետ տար ցավի վրայից». Վանո Սիրադեղյան»

-«Լևոն Ներսիսյան». Ես խարիսխ եմ»

և հաղորդումները

- «40 տարի Վազգեն Վեհափառի հետ» (3 մաս)

- «Լայն նայեք կյանքին. Հովհաննես Թումանյան» (3 մաս)

- «Չդրված վերջակետեր. Նարեկ Առուշանյան»

- «Մեծ մորս աչքերի լռությունը»

- «Վազգեն Բաժբեուկ-Մելիքյան»

- «Հայի ապագան Հայաստանն է. Հասմիկ Պապյան»

- «Աղասի Այվազյան. Եթե ճշմարիտ խոսենք»

- «Տիգրան Մանսուրյան». զրույց

Ամուսնացած է, ունի երկու երեխա՝ տղա և աղջիկ:

Հայրական կողմից Նոր Բայազետի (Կամո, Գավառ) Բատիկյան (այսօր՝ Գանձակ) գյուղից է, Գվիդոն Մանուկի Օհանյան և Վիկտորյա Գասպարյան մանկավարժների ընտանիքից: Հայրը՝ Աքիլլես (Ֆռունզ) Գվիդոնի Մանուկյանը՝ ծնված 1938 թվականին, Երևան է տեղափոխվել 1955 թվականին:

Մայրը՝ Ռիմա (Գրետա) Ռոստոմյանը, ծնվել է 1937 թվականին, Երևանում: Մայրական կողմից պապը՝ Հովհաննես Բաղդասարի Ռոստոմյանը, ծնվել է Կոտայքի մարզի Պտղնի գյուղում, տատը՝ Վարսենիկ (Կլարա) Գրիգորի Պետրոսյանը՝ ըստ անձնագրի, ծնվել է Ղարսում: Մեծացել է Ամերկոմի որբանոցում 

Կոնտակտային տեղեկություններ

[email protected]

Հեռ. 091 27 07 76, 094 27 07 68       

 

գործընկերներ

webtv.am

ՄԻՇՏ ՄՇԱԿՈՒՅԹԻ ՀԵՏ

zham.ru

ЖАМ-ՀԱՅԿԱԿԱՆ ԺԱՄԱՆԱԿ

http://www.greentravel.am/en

ՃԱՆԱՉԻՐ ԿԱՆԱՉ ՀԱՅԱՍՏԱՆԸ, ԱՊՐԻՐ ԵՐԿԱՐ

mmlegal.am

ՄԵՆՔ ԳԻՏԵՆՔ ՁԵՐ ԻՐԱՎՈՒՆՔՆԵՐԸ