Անժելա Սահակյան
Անժելա Սահակյան

 

Անժելա

Սահակյանը

Փարիզում

ապրում է

ավելի քան

15 տարի:

 

Այդպես է

ստացվել:

 

Ծնվել է

Ղարաբաղում: 

Աշխատել է

հայկական

հեռուստատեսությունում,

գրքեր է

գրել,

ֆիլմեր

նկարահանել:

 

Այսօր

Փարիզի

հայկական

ռադիոյի

(AYP FM)

մեկնաբանն է,

«Արցախապատում»,

«Հայ մամուլի

տեսություն»

և «Բաց նամակ

ճշմարտության

պարտադրանքով»

հաղորդաշարերի

հեղինակը

և վարողը:

 

«Գործուղումս»

Ֆրանսիա

մի օր

կավարտվի

ու կվերադառնամ

տուն:

Հաստատ:

 

«ՇԵՆ»-ով՝ շենացնելու Արցախը

 

Հայրենիքի սահմանները, հավանաբար, չափվում է յուրաքանչյուր հայի սրտով ու երևակայական ընկալումներով...: Հայրենիք հասկացությունը միայն սերն ու կարոտը չէ, նաև անմնացորդ նվիրումն է երկրիդ հողին, ջրին, դժվարությունների, պատերազմի վտանգի տակ ապրող ժողովրդին։  

Երբ հեռվում ես, այդ նվիրումը Հայրենիքիդ գուցե ավելի զգացական է դառնում:

Ես դրանում համոզվում եմ ամեն օր, ամեն վայրկյան: Ես էլ իմ հեռվից եմ համոզվում: Դրա վառ ապացույցը տեսա «ՇԵՆ» (CHENE) հասարակական կազմակերպության հերթական, ավանդական դարձած 27-րդ տոնավաճառում՝ Ֆրանսիայի Սևր քաղաքի Սամվել Մուրադ վարժարանում, նվիրված Հայաստանի և Արցախի հանրապետությունների անկախության 25-ամյակին։

Գրքեր, նկարներ, Մեսրոպատառ Այբուբենը՝ հյուսված ոսկեզօծ թելերով, խաչի տարբեր տեսակի փայտյա հրաշագործ աշխատանքներ, նկարներ՝ եռագույնով, Արարատի վեհաշուք գագաթով, հայկական հուշանվերներ, որոնց վաճառքի ամբողջ հասույթը կտրամադրվի, այս անգամ Արցախի քառօրյա պատերազմից տուժած գյուղերին ու զոհվածների ընտանիքներին։

Երկու օր, ուր ներկա էի նաև ես՝ իմ «Ճշմարտության պարտադրանքով» (Par obligation de vérite) գրքով, մարդկային հոսքը չէր դադարում: Այդ երկու օրերին ինձ համար բացահայտեցի հայրենասիրության նոր որակներ, որն անհնար է բառերով բացատրել։

Ծեր, չափահաս, երիտասարդ, մանուկ՝ բոլորը բարձր տրամադրությամբ, Արցախի կանչով, փարիզյան շրջաններից գալիս էին ու գալիս...: Բոլորն արդեն գիտեին, թե որտեղ ինչ է ցուցադրվում, մեծ հետաքրքրությամբ ուսումնասիրում և գնում էին այն ամենն, ինչը խորհրդանշում էր Հայաստանը։

Ավանդական ընթրիքին էլ «ՇԵՆ» հասարակական կազմակերպության նախագահ Օհան Թուֆանյանը մանրամասնորեն խոսեց այս տարիներին իրականացրած ծրագրերի մասին։ Ինձ շատ զարմացրեց Օհան Թուֆանյանի՝ Արցախի մասին այդքան տեղեկացված լինելը. ծանոթ էր բոլոր շրջաններին ու գյուղերին, անձամբ գնացել և ուսումնասիրել էր պատերազմի թողած հետքերը։

Ես ինձ իրավունք եմ վերապահում, Արցախի հերոսական ժողովրդի անունից, իմ երախտագիտության խոսք ուղղել ֆրանսահայ համայնքին, «Շեն» հասարակական կազմակերպության բոլոր անդամներին, հանձին՝ նախագահ Օհան Թուֆանյանի, որ ամեն տարի ջանադրաբար, սիրով ու նվիրումով կատարում են այս պատվավոր աշխատանքը...

Սա 27-րդ տոնավաճառն էր, կնշանակի՝ 27 ծրագիր Արցախի բարօրության համար։

 

Անժելա Սահակյան

գործընկերներ

webtv.am

ՄԻՇՏ ՄՇԱԿՈՒՅԹԻ ՀԵՏ

zham.ru

ЖАМ-ՀԱՅԿԱԿԱՆ ԺԱՄԱՆԱԿ

http://www.greentravel.am/en

ՃԱՆԱՉԻՐ ԿԱՆԱՉ ՀԱՅԱՍՏԱՆԸ, ԱՊՐԻՐ ԵՐԿԱՐ

mmlegal.am

ՄԵՆՔ ԳԻՏԵՆՔ ՁԵՐ ԻՐԱՎՈՒՆՔՆԵՐԸ